صلاح جاهين ...كاتب وشاعر مصرى...مصرى جدا جدا ....
كتير بيعتبروه استاذ للشعراء والبعض شايف انه كبير وسط الكتاب فى اوانه...
انما انا اعتقد انه زى ماقال عنه عبد الرحمن الابنودى "عم الادباء على مر العصور"
فعلا ...كلماته بتحسسك انك ماسك القلم بنفسك وبتكتب اللى انتا حاسه فى نفس اللحظة اللى بتقرا فيها اشعاره!!!
كأنه عايش جوا كل واحد مننا بيفكر فيك وعشانك وبيك.
انا من بداية علاقتى بيه من خمس سنين وهوة صديقى الصدوق رغم مرور الكتير على رحيله عن دنيانا ....
لكن سابلى كنوز كل ما افتش فيها عن نفسى الاقيها !!!
كأنه بيحفظهالى من جو الجمود اللى بيغلف حياتنا.
اسمحولى انى ابتدى معاكو برباعياته اللى بدون شك غيرت حياة او على الاقل منهج حياة كل اللى قروها واتمعنوا فى صورها........
انا شاب لكن عمرى ولا الف عام
وحيد ولكن بين ضلوعى زحام
خايف ولكن خوفى منى انا
اخرس..ولكن قلبى مليان بالكلام
عجبى!
قالو الشقيق بيمص دم الشقيق
والناس ماهياش ناس بحق وحقيق
قلبى رميته وجبت غيره حجر..
داب الحجر..ورجعت قلبى رقيق
عجبى!
انا كل يوم اسمع فلان عذبوه
اسرح فى بغداد والجزاير واتوه
ما اعجبش م اللى يطيق بجسمه العذاب
واعجب من اللى يطيق يعذب اخوه
عجبى!
اعرف عيون هى الجمال والحسن
واعرف عيون تاخد القلوب بالحضن
وعيون مخيفة وقاسية وعيون كتير
وبحس فيهم كلهم بالحزن
عجبى!
-الدنيا من غير الربيع ميتة
ورقة شجر ضعفانة ومفتفتة
-لأ يا جدع غلطان تأمل وشوف..
زهر الشتا طالع فى عز الشتا
عجبى!
ياللى انتا بيتك قش مفروش بريش
تقوى عليه الريح يصبح مفيش
عجبى عليك حواليك مخالب كبار
ومالكش غير منقاروقادر تعيش
عجبى!
جالك اوان ووقفت موقف وجود
يا تجود بده ياقلبى يا بده تجود
ما حد يقدر يبقى على كل شىء
مع ان -عجبى-كل شىء موجود
عجبى
يتبع.........